Para o MDL a aprovaçom de qualquer novo Estatuto de Autonomia que nom desse passos para a frente na defesa e consideraçom do galego como língua de cultura seria um erro político e um fracasso dos três partidos políticos.

O documento enviado, breve e claramente explicativo da posiçom galeguista do reintegracionismo assenta em três ideias-eixo para serem defendidas no novo estatuto.
Em primeiro lugar a referência explícita a galego e português serem dous nomes da mesma língua, consideraçom imprescindível à hora de dotar a Galiza de ferramentas legais que ajudem a melhor defender o galego nacional e internacionalmente. A definiçom proposta para o artigo 5 "Galego ou
português é a língua da Galiza" é considerada a melhor possibilidade de definiçom da língua usando o seu nome internacional e reconhecendo as suas potencialidades, sem por isso esquecer que é a língua do povo galego.

Como segunda ideia-eixo a necessidade e obrigatoriedade de o corpo de funcionários que trabalhem na Galiza terem a obriga de saber a língua de maneira a evitarmos as discriminaçons actuais nos âmbitos administrativos (Justiça, Administraçom Pública, Saúde, ......) conhecidas de todos/as.
Como terceira ideia-eixo, a proposta defende a plena competência do Governo Galego em matéria audiovisual e das telecomunicaçons, para poder defender o galego e simplificar a adopçom de medidas legais que normalizem a situaçom do galego nos meios de comunicaçom de difusom pública. Isso permitiria termos capacidade para poder legislar desde a Galiza a recepçom de
televisons doutros estados que usam a língua da Galiza (nomeadamente as televisons portuguesas e brasileiras).
O MDL espera que os três partidos políticos imersos nesse trabalho cheguem aos acordos necessários que ajudem a contemplar estas três ideias no novo Estatuto, porque doutra maneira nada estaria a mudar no âmbito da legalidade para assegurar o futuro do galego.

--

Em anexo artigos da proposta que pode ser consultada clicando aqui

PROPOSTA REINTEGRACIONISTA DE REFORMA DO ESTATUTO
ARTIGO 5
1.O galego ou português é a língua oficial da Galiza.
2.O espanhol é também oficial. Todos tenhem o direito de conhecer e usar ambas as línguas.
3.Os poderes públicos garantirám o uso normal e oficial da língua da Galiza, potenciarám o seu uso em todos os níveis institucionais, culturais e informativos, e disponibilizarão os meios necessários para facilitar o seu conhecimento.
4.(novo apartado) Os poderes públicos promoverão a difusom exterior da língua da Galiza, o seu ensino nas comunidades linguísticas galegas lindantes com o território da Comunidade Autónoma, e nas comunidades de emigrantes galegos em qualquer parte do Mundo, através dum Instituto de Difusom Exterior, fomentando a sua valorizaçom permanente em colaboraçom com os organismos internacionais da língua portuguesa.
5.Ninguém poderá ser discriminado em razom da língua(...)