Acto de constituiçom formal do MDL, que coincidiu com o protesto diante de Manuel Fraga e Jorge Sampaio pola política linguística do primeiro, e que conseguiu um sorriso do segundo.

A constituiçom formal do Movimento Defesa da Língua tivo lugar na Faculdade de Filologia de Compostela durante a manhá e tarde do dia 25 de Maio. Nove colectivos estivérom presentes e os seus membros discutirom os estatutos e linha estratégica desta nova organizaçom normalizadora. Aliás, assistírom membros do MDL independentes de qualquer colectivo e representantes de organizaçons convidadas, como A Corrente, Alto Minho, Irmandades da Fala ou JUGA, e recebeu-se a adesom de outras como Galiza Nova, Associaçom Cultural Aloia, Galiza- Breith, ou a organizaçom normalizadora basca A.E.K.

Ao meiodia, interrompeu-se o desenvolvimento da Assembleia para dirigir-se os presentes a Sam Domingos de Bonaval, onde Fraga jantava com o Presidente da República Portuguesa, Jorge Sampaio. Alí, fijo-se um acto de protesto contra a repressom a que Fraga submete a nossa língua e aproveitou-se para mostrar a simpatia do povo galego ao irmao português. O presidente da Junta botava lume, enquanto Sampaio sorria. Este acto contou com grande cobertura na televisom portuguesa. Oxalá ajude a fazer que os irmaos do sul tomem maior consciência do genocídio cultural e linguístico que se está a cometer neste povo.

De tarde, deu tempo a clausurar a Assembleia e participar na manifestaçom em prol da insubmissom, já que nom há que deixar de parte os poderosos motivos linguísticos que nos devem animar a rejeitar o militarismo espanhol.

Enfim, apesar dos erros qrganizativos e mesmo tácticos que se pudérom cometer, e que se cometerám, esperamos que o trabalho sincero de todos e todas leve ao êxito este projecto normalizador.