O Movimento Defesa da Língua (MDL) quer manifestar o seu apoio ao secretário do concelho ourensao de Ginzo da Límia, Henrique Carvalho, por redigir os escritos oficais em galego reintegrado.

O passado mes de agosto, o grupo municipal do PsdeG-PSOE neste concelho apresentou umha iniciativa urgente na que solicitava que Henrique Carvalho nom empregue a norma reintegracionista nos textos oficais do concelho.

Segundo o porta-voz socialista, Gonzalo Iglesias Sueiro, o emprego de topónimos reintegracionistas resulta especialmente confusso. Para ele escrever Carvalhinho ou Verim pode provocar um tremendo caos mental nos galegos e galegas. Iglesias Sueiro basea-se nesta argumentaçom para demandar ao concelho limego que cumpra coa normativa vigente em relaçom á normalizaçom lingüística. Afortunadamente, a iniciativa socilista foi rejeitada.

Para o MDL, a posiçom do grupo local do PsdeG-PSOE vai contra a liberdade de expresom em matéria lingüística e ainda demonstra umha grande ignoráncia do problema lingüístico da Galiza. O debate sobre a normativa do galego está de plena vigência, e existem diferentes posicionamentos acerca da norma para o galego (a reintegracionista é mais umha). Pensamos que o debate sobre a questom normativa debe realizarse no ámbito científico-filológico e nom no político. Ademais de constituir um atentando contra a liberdade lingüística, o PSOE está entrando numha materia na que nom tem autoridade algumha.

Gostaríamos que o partido socialista tivesse a mesma firmeça em matéria lingüística contra o alcalde da Corunha, Francisco Vazquez. As contínuas agressoms deste dirixente do PSOE contra a língua galega nom merecerom até agora rejeitamento algum por parte da direçom do PsdeG-PSOE.

Aliás, resulta totalmente esperpéntico, o senhor Iglesias Sueiro, apelar á confusom da grafía galego-reintegrada numha comarca Límia- con fortes vencelhos históricos e culturais com Portugal. A iniciativa do PsdeG-PSOE reflicte muito bem o grau de desconhecimento mútuo que ainda existe entre a sociedade galega e a portuguesa, um virar de costas que continua fomentado das dintintas administraçoms.


O Porta-Voz do Movimento Defesa da Língua,
Luís Fontenla.